PM:04:30:02/12/2021
868 جار خوێندراوەتەوە
+
-
ڕۆژنامەیەک وردەکاری گرێبەىستەکەى بەرشەلۆنە بۆ فیران تۆرێسی مانچستەر سیتی
ئاشکرادەکات.
ڕۆژنامەى مۆندۆ دیپۆرتیڤۆی ئیسپانی ئاشکرایکرد، یانەى بەرشەلۆنە هەوڵەکانی
چڕکردووەتەوە بۆ گواستنەوەى تۆرێسی هێرشبەر لە مانچستەر سیتییەوە و لەو پێناوەشدا
بڕی 50 بۆ 55 ملیۆن یۆرۆی بۆ خەرجدەکات و چاوەڕێی ڕەزامەندی بەرپرسانی مان سیتی
دەکات تا گفتوگۆکان دەستپێبکات.
مۆندۆ ئەوەشی ئاشکراکرد، بەرشەلۆنە بۆ پێنج وەرز و تا هاوینی 2026 هێرشبەرەکەى مان سیتی بۆ کامپ نۆ دەگوازێتەوە و
پێشبینیش دەکرێت کارگێری مان سیتی بە گرێبەستە چاوەڕوانکراوەکەى بەرشەلۆنە ڕازی
بێت و یاریزانە ئیسپانییەکەش لە مێرکاتۆی زستانەدا کەشی پریمەرلیگ بەرەو لالیگا
بەجێبهێڵێت.
تۆرێس لە 2020 ڕووی لە مان سیتی کردووە و تا ئەم ساتەش لە سەرجەم
پاڵەوانێتییەکان بەشداری لە 43 یاریدا کردووە بە تۆمارکردنی 16 گۆڵ و چوار ئەسیست
و بەشداریش بووە لە بەدەستهێنانی دوو
نازناو بۆ یانەکەى کە دیارترینیان پریمەلیگی وەرزی ڕابردوو بووە.