PM:01:18:23/02/2026
108 جار خوێندراوەتەوە
+
-
پێرستیانی داوای
لێبوردنی لە یاریزانەکانی هاوڕێی کردووە و ئەگەری سزادانی بۆ 10 لەسەرە.
پێگەیریکۆردی پۆرتوگالی
بڵاویکردووە، پرێستیانی داوای کۆبوونەوەیەکی بەپەلەی لە سەرجەم یاریزانانی یانەکەی
کردووە و ویستوویەتی داوای لێبووردن لە هاوڕێکانی بکات بەهۆی ئەوەی بووەتە هۆی
کێشە و سەرقاڵییەکی فراوانی میدیایی لە دەوری یانەکەی.
یاریزانە ئەرجەنتینییەکە بەهۆی راگیرانەوە لە یارییەکەی
رۆژی یەکشەممە بەرامبەرئەی ڤی ئێس، بەشداریی نەکرد و بەر لە یارییەکە لای هاوڕێکانی دانی بەوە داناوە کە
بەهۆی ئەو رووداوەوە بووەتە هۆی نیگەرانی و ناڕەحەتکردنی چواردەورەکەی.
بەگوێرەی هەمان سەرچاوە، پرێستیانی لە کۆبوونەوەکەدا
رەتیکردووەتەوە هیچ جۆرە قسەیەکی رەگەزپەرستی بەرامبەر ڤینیسیۆس کردبێت و
دووپاتیکردووەتەوە زۆر بەو بابەتە دڵگران بووە، بەڵام لەپێناو یارمەتیدانی تیپەکەی
ئامادەیە گەشتی مەدرید بکات و دەیەوێت لە بێرنابیۆ یاریی بکات.
لە لایەکی دیکەوە، ئێستا ڕۆژنامەکان باس لە سزادانی جیانلوکا پرێستیانی، ئەو دەکەن، بەڵام
کێشەکە ئەوەیە تا ئێستا نازانن ئەو یاریزانە بەڕاستی چ وشەیەکی بەکارهێناوە،
بەتایبەت کە فابریزیۆ رۆمانۆ گووتی، پرێستیانی خۆی بە یوفای ڕاگەیاندووە کە هیچ وشەیەکی ڕەگەزپەرستی
بەرامبەر ڤینی بەکارنەهێناوە، بەڵام وشەی نەشیاوی رەگەزپەرستی بەکارهێناوە.
ئەمەش دۆسیەکەی ئاڵۆزتر کرد و پێدەچێت بڕیاری سزادانەکەی
دوابکەوێت، بەڵام لەگەڵ ئەوەشدا یاریزانەکە هەر وشەیەکی بەکارهێنابێت ناگۆڕێت،
چونکە بەپێی ماددەی 14ـی یوێفا، سزای ڕاگیرانی 10 یاریی زیاترە.