PM:11:27:21/11/2021
1344 جار خوێندراوەتەوە
+
-
پاریس سان جێرمان
پەشیمانە لە نەفرۆشتنی مباپێ و ڕۆشتنی یاریزانەکەش بۆ ڕیاڵ مەدرید تەنیا لەسەر کات
وەستاوە.
ڕاپۆرتە
ڕۆژنامەنوسیەکانی ئیسپانیا دوپاتیانکردەوە کە کارگێڕی یانەی پاریس سان جێرمان هەست
بە پەشیمانی دەکەن کە لە وەرزی گواستنەوەی ڕابردوودا کیلیان مباپێیان نەفرۆشت.
مباپێ لە هاوینی
ڕابردوودا زۆر نزیک بوو لەوەی یانە پاریسیەکە بەجێبهێڵێت بەڵام بەرپرسانی یانە
فەڕەنسیەکە ڕەتیانکردەوە دەستبەرداری ئەو ئەستێرەیەبن بۆ هیچ یانەیەکی تر.
ئەستێرە فەڕەنسیەکە ناوی
بەستراوەتەوە بە ڕیاڵ مەدریدی ئیسپانیەوە و یانەی شاهانەش لە هاوینی داهاتوو
هەوڵەکانی دەستپێدەکات تا خەونەکەی مباپێ بەدیبهێنێت کە ئەویش یاریکردنە لەگەڵ
کەریم بنزیمەی فەڕەنسی لە یاریگای سانتیاگۆ بێرنابیۆدا.
پێگەی فیکاجێس تایبەت بە
بڵاوکردنەوەی هەواڵەکانی مێرکاتۆ دوپاتیکردەوە کە پەیوەندیکردنی مباپێ بە ڕیاڵ
مەدریدەوە تەنیا بابەتی کاتە و یاریزانەکە لە مانگی کانونی دووەمدا دەست بە
گفتوگۆکانی دەکات لەگەڵ ڕیاڵ مەدریدا.