PM:01:41:21/11/2021
808 جار خوێندراوەتەوە
+
-
زڵاتان ئیبراهیمۆڤیچى سویدى بوو بە سێیەم بەتەمەترین یاریزان گۆڵ لە خولى
ئیتاڵیادا تۆماربکات.
لە دۆڕاندنەکەى میلان بەرامبەر فیۆرینتینا بە سێ گۆڵ بەرامبەر بە چوار گۆڵ
لە خولى ئیتاڵیادا، ئیبراهیمۆڤیچى هێرشبەرى میلان دوو گۆڵى تۆمارکرد.
تۆڕى ئۆپتا بۆ ئامارەکان بڵاویکردەوە، ئیبرا سێیەم بەتەمەنترین یاریزانە
گۆڵ لە خولى ئیتاڵیادا تۆماربکات، کە تەمەنى 40 ساڵ و 48 ڕۆژە و کەوتە پێش پیترۆ
فێرجوود، بەڵام لە دواى کۆستاکۆرتا و بیۆلاوەیە.
ئۆپتا ئاماژەى بەوەشکردووە، ئیبراهیمۆڤیچ بەتەمەنترین یاریزانە دوو گۆڵ و
زیاتر لە یەک یاریدا تۆماربکات لە خولى ئیتاڵیادا.
ئەمە بێجگە لەوەى زڵاتان لە 2000ەوە تاکە یاریزانە لە 40 ساڵیدا دوو گۆڵ و
زیاتر لە یەکێک لە پێنج خولە گەورەکەى ئەوروپادا تۆماربکات.
ئیبراهیمۆڤیچ لەم وەرزەدا لە حەوت یارى خولى ئیتاڵیادا پێنج گۆڵ و
ئەسیستێکى تۆمارکردووە، بەشدارى دوو یارى چامپیۆنز لیگیشى کردووە، بەڵام گۆڵى لەو
خولەدا نییە.
گ . ف
