PM:02:28:12/12/2025
68 جار خوێندراوەتەوە
+
-
بەرشەلۆنە بە حەمزە
عەبدولکەریمی میسڕی سەرسامە و دەیەوێت بیگوازێتەوە ریزەکانی.
بەپێی بڵاوکراوەیەکی
رۆژنامەی سپۆرتی ئیسپانی، دیکۆی بەڕێوبەری وەرزشی یانەی بەرشەلۆنە هەوڵەکانی بۆ
گواستنەوەی حەمزە عەبدولکەریمی هێرشبەری میسڕی و یانەی ئەهلی ئەو وڵاتە
دەستپێکردووە ئەویش پاش ئەوەی یاریزانە لاوەکە لە مۆندیالی خوار 17 ساڵان
درەوشایەوە.
هێرشبەرەکە تا ئێستا 17
یاری بۆ هەڵبژاردەی میسڕی خوار 17 ساڵان کردووە و تێیدا توانیویەتی 12 گۆڵ
تۆماربکات، بەهۆی ئەوەی ئاستێکی زۆر بەرزیشی هەیە چاوەڕێی داهاتوویەتی گەشی
لێدەکرێت.
رۆژنامەی سپۆرت باسی
لەوەشکردووە، لاوە میسڕییەکە ئارەزووی چوونی بۆ بەرشەلۆنە دەکات و خواستێکی زۆری
هەیە بۆ روودانی ئەم گرێبەستە، بەڵام یانەی ئەهلی وڵاتەکەی دەیەوێت پارێزگاری
لێبکات و لە ریزەکانیدا بیهێڵێتەوە.
حەمزە لە مۆندیالی خوار
17 ساڵان، بەشداری لە چوار یاریدا کرد، توانیشی دوو گۆڵ و ئەسیستێک تۆماربکات،
ئاست و توانای جەستەی و بەرزی تەکنیکی سەرنجی زۆرێک لە یانەکانی بەلای خۆیدا
راکێشا لەنێویاندا بەرشەلۆنەی گەورە یانەی ئیسپانیا و جیهان.