PM:07:49:17/10/2025
152 جار خوێندراوەتەوە
+
-
فلێک رایگەیاند دەجەنگن لەپێناو بردنەوەی سەرجەم نازناوەکان
و کارگێڕی بەرشەلۆنە بە هیچ شێوازێک دەستوەردان لە پلانەکانیدا ناکەن.
هانسی فلێکی راهێنەری بەرشەلۆنە، پێش یارییەکەیان بەرامبەر
جیرۆنا رایگەیاند، جیرۆنا
ساڵی ڕابردوو وەرزێکی نایابی بەسەربرد، فەلسەفەی ڕاهێنەرەکەیان زۆر تایبەتە.
وتیشی: فێران تۆرێس لەنێو ئەو کەسانەدایە کە
پێکانیان هەیە، منیش ناتوانم ئەوە بگۆڕم، دەبێت چارەسەر بدۆزینەوە و دەرفەت بە
یاریزانە بەردەستەکان بدەین، لامین یامال و فێرمین لۆپێز گەڕاونەتەوە ناو
پێکهاتەکە، بەڵام 90 خولەک یاری ناکەن.
دەربارەی هەواڵی دەستوەردان لە پلانەکانی فلێک دەڵێت: لەم یانەیەدا لەگەڵ دیکۆ و باقی
بەرپرسەکان پەیوەندییەکی پیشەگەرانەمان هەیە لەسەر بنەمای متمانەی یەکتر، ئەوان
باوەڕیان بە کارەکانم هەیە و هەرگیز داوای شتێکی لەم شێوەیەم لێناکەن، ئەوە تەنها
درۆیە، هەرکەسێک ئەوە بڵێت درۆزنە.
دەشڵێت: ئێمە بەرشەلۆنەین، وەرزی رابردوو سێ نازناومان
بەدەستهێنا، بەڵام ئەوە بەس نییە، دەجەنگین لەپێناو بردنەوەی سەرجەم نازناوەکان
لەم وەرزەدا، راستە یاریی رابردوومان دۆراند بەڵام وەرزەکە دورودرێژە.