PM:06:44:14/10/2025
216 جار خوێندراوەتەوە
+
-
مباپێ دوپاتیکردەوە ریاڵ مەدرید گەورەترین یانەی جیهانە و دەیەوێت لە
یانەکە جێپەنجەی خۆی بەجێبهێڵێت.
لە چاوپێکەوتنێکدا لەگەڵ مۆڤیستار پڵەس کیلیان مباپێ، ستایشی
کریستیانۆ رۆناڵدۆی کرد و باسیشی لە جیاوازی یانەی ریاڵ مەدرید و پاریس سان جێرمان
کرد کە یاری لەگەڵ هەردوو یانەکە ئەنجامداوە.
مباپێ لە چاوپێکەوتنێکدا لەگەڵ خۆرخی ڤاڵدانۆ وتی: جیاوازییەکە
تەنها ئەوەیە کە ریاڵ مەدرید باشترین یانەی جیهانە.
وتیشی: من راهاتووم لەژێر فشاری گشتیدا بم، بەڵام لێرە و لە ریاڵ مەدرید
بەخۆمان دەڵێین: من لە باشترین یانەی جیهانم، دەبێت سەرکەوتن بەدەستبهێنم،
یارییەکی باش بکەم، نموونەیەک بم بۆ هاوڕێکانم و هاندەران.
لەبارەی ئینریکیشەوە
باسی لەوەکرد، لە یارییەکەی پاریس سان جێرمان
بەرامبەر لیل یەکتریان بینیووە، ئەو کەسێکی زۆر باشە و راهێنەرێکی نایاب و
ناوازەیە، پەیوەندییان زۆر باشە و هیوای باشترینی بۆ دەخوازێت، ساتگەلێکی نایابیان
پێکەوە بەسەر برد لە پاریس.
جەختی لەسەر
ئەوەشکردەوە، کریستیانۆ رۆناڵدۆ لە ریاڵ مەدرید هێشتا ژمارە یەکی هاندەرانە و
هەمووان بە ئەفسانەی یەکەمی یانەکەی دەوانن، ئەویش دەیەوێت رێبازی خۆی لە یانەکە
هەبێت و جێ پەنجەی خۆی بەجێبهێڵێت.