AM:11:47:21/02/2025
1428 جار خوێندراوەتەوە
+
-
لیڤەرپوڵ باشترین یانەی ئەم وەرزەی ئەوروپایە و بەرشەلۆنە دووەمە و ریاڵ
مەدرید لە پلەی دەیەمدایە.
پێگەی یەکێتی تۆپی پێی ئەوروپا نوێترین ریزبەندی یانەکانی بڵاوکردەوە لەسەر
ئاست و ئەنجامەکانیان لەسەرجەم پاڵەوانێتییە ناوخۆییەکان و کێشورەکەدا.
یانەی لیڤەرپوڵی ئینگلیزی بە هۆی ئەوەی لە پێشەنگی قۆناغی یەکەمی چامپیۆنز
لیگ و پێشەنگی پریمەر لیگدایە، بە کۆکردنەوەی 27 هەزار و 500 خاڵ لە پلەی یەکەمی
باشترین یانەکانی ئەم وەرزەی ئەوروپادا دەبینرێت.
یانەی بەرشەلۆنەی ئیسپانیش لە پلەی دووەمی ریزبەندییەکەدایە بە 26 هەزار و
250 خاڵ بەهۆی ئەوەی ئاستێکی نایابی هەیە و لە پێشەنگی خولی ئیسپانیدایە و بە پلەی
دووەمیش کۆتایی بە قۆناغی یەکەمی چامپیۆنز لیگ هێنا.
یانەی ئارسناڵی ئینگلیزیش 26 هەزار خاڵی هەیە و پلەی سێیەمی ریزبەندییەکەی
گرتووە بە جیاوازی تەنها 250 خاڵ لەگەڵ یانەی ئینتەر میلانی ئیتاڵی کە لە پلەی
چوارەمدایە.
یانەکانی ئەتلەتیکۆ مەدرید و بایەر لیڤەرکوزن و لیل و ئەستۆن ڤیلا و بروسیا
دۆرتمۆند لە پلەکانی پێنجەم تا نۆیەمدان، ریاڵ مەدریدیش بە 21 هەزار خاڵ پلەی
دەیەمی ریزبەندی باشترین یانەکانی ئەوروپای گرتووە.
خ . ک