PM:01:35:09/02/2025
268 جار خوێندراوەتەوە
+
-
پیکێ دوپاتیکردەوە
میسی هەموو کات هاوڕێی دەبێت و بەرشەلۆنەش بەهرەمەندی زۆری هەیە.
جیرارد پیکێی
بەرگریکاری پێشووی یانەی بەرشەلۆنە لە لێدوانێکیدا رایگەیاند، پەیوەندی لەگەڵ
لیۆنێل میسی لە تەمەنی 13 ساڵییەوە دەستیپێکردووە و ساتی نایابیان بەڕێکردووە و بە
دڵخۆشیەوە لە یانەکەدا پێکەوە بوون.
لە وەڵامی پرسیاری
بوونی کێشە لە نێوان خۆی و میسی، پیکێ دوپاتیکردەوە کە لیۆ هەمیشە هاوڕێی دەبێت و
بە کەسێکی نزیکی خۆی دەزانێت بەڵام لەڕووی پەیوەندی تایبەتی ئێستایانەوە ئەو
بابەتێکی ترە و هەر کەسە و بە شێوازی خۆی دەژی.
ئاماژەی بەوەشدا،
بەرشەلۆنەی ئێستا زۆر بەهێزە و یاریزانی بەهرەمەندی زۆر زیاتری هەیە لە چاو ریاڵ
مەدرید بەڵام کەمێک بەدەست کەم ئەزمونەیەوە دەناڵێنن و پێویستیان بە ئەنجامدانی
کاری بە کۆمەڵی زیاترە.
رونیشیکردەوە،
بەرشەلۆنە لەم وەرزەدا بە شێوازێکی نایاب دەستیپێکرد و دواتر کەمێک ئاستیان
دابەزی، ریاڵ مەدریدیش تیپێکی پێگەیشتووە بەڵام بەرامبەر بەرشەلۆنە ئازار دەچێژن.
دەشڵێت، خاڵی
بەهێزی ریاڵ مەدرید ئەوەیە کە یاریزانەکانی ئەزمونی زۆریان هەیە و کاتێک یاری بە
کۆمەڵ ئەنجامدەدەن دەزانن کە چۆن کێبڕکێیەکی دروست بکەن.
خ . ک