AM:09:18:31/01/2025
100 جار خوێندراوەتەوە
+
-
ساڵی 2024 زۆرترین گواستنەوەی یاریزانان لە مێژوودا روویداوە بەڵام خەرجییەکان
کەمیکردووە.
بەپێی راگەیەندراوێکی فیفا، ساڵی 2024 ژمارە پێوانەی زۆرترین گواستنەوەی یاریزانانی
شکاندووە و بەکۆی گشتی 78 هەزار و 742 گواستنەوە لە تۆپی پێی پیاوان و ئافرەتاندا کراوە.
ئەوەی جێگای سەرنجە بڕی ئەو پارەیەی یانەکان بۆ ئەم گواستنەوانە خەرجیان
کردووە بەراورد بە ساڵی پێشوو کەمی کردووە، چونکە ساڵی 2023 خەرجی گواستنەوەی
یاریزانان 26 ملیار و 900 ملیۆن بووە بەڵام لە ساڵی 2024 بۆ 23 ملیار و 800 ملیۆن
کەمیکردووە.
وەک چاوەڕوان دەکرا، تۆپی پێی ئینگلتەرا
زۆرترین پشکی خەرجییەکانی گواستنەوەی یاریزانان پێکدەهێنێت، ئینگلیزەکان گەورەترین
کڕیاری یاریزانن و بەڕازیل گەورەترین فرۆشیاری یاریزانە.
یانەکانی ئینگلتەرا لە ساڵی 2024 بە کۆی گشتی یەک ملیار و 88 ملیۆن دۆلاریان
بۆ گواستنەوەی یاریزانان خەرج کردووە و داهاتی فرۆشتنی یاریزانانیان یەک ملیار و
٣٤ ملیۆن دۆلار بووە.
گرانترین گواستنەوەی تۆپی پێی ساڵی رابردووش
گواستنەوەی جولیان ئەلڤارێز بوو لە یانەی مانچستەر سیتییەوە بۆ ئەتلەتیکۆ مەدرید،
هێرشبەرە ئەرجەنتینییەکە بە بڕی 75 ملیۆن یۆرۆ پەیوەندی بە ئەتلەتیکۆوە کرد و لەگەڵ
20 ملیۆن یۆرۆی پاداشت.