PM:09:42:29/01/2025
204 جار خوێندراوەتەوە
+
-
سبەینی لە یۆرۆپا
لیگ مان یونایتد رووبەرووی بوخارست دەبێتەوە و تۆتنهام میوانداری ئێلفسبۆرگ دەکات.
یارییەکانی قۆناغی
یەکەمی یۆرۆپا لیگ لە کۆتا جەولەدایە و سبەینێ لە کاتژمێر 11 سەرجەم یارییەکان لە
یەک کاتدا ئەنجامدەدرێن و چارەنووسی سەرجەم یانەکان یەکلادەکرێنەوە.
یانەی مانچستەر
یونایتدی ئینگلیزی لە دەرەوەی یاریگای خۆی رووبەڕووی یانەی ستیوا بوخارستی رۆمانی
دەبێتەوە، شەیتانە سوورەکان 15 خاڵی هەیە و لە پلەی چوارەمی ریزبەندیدایە، بە
بردنەوەی ئەو یارییە راستەوخۆ دەگاتە قۆناغی 16 بە بێ گوێدانە ئەنجامی یارییەکانی
تر.
لە هەمان کاتدا،
یانەی تۆتنهامی ئینگلیزی لە یاریگای خۆیدا میوانداری یانەی ئێلفسبۆرگی سویدی دەکات
و دەیەوێت بە بردنەوەی ئەو یاریە گەیشتن بە قۆناغی داهاتوو مسۆگەر بکات و نەچێتە
قۆناغی پلەی ئۆف.
لە یارییەکانی
تریشدا، یانەی رۆمای ئیتاڵی لە یاریگای ئۆلمپیکۆ میوانداری یانەی ئینتراخت
فرانکفۆرتی ئەڵمانی دەکات و لە ئەگەری شکستهێنانیدا مەترسی ماڵئاواییکردنی لەسەرە،
ئەیاکس ئەمستردام و لازیۆ بەرامبەر گەلەتەسەرای و سپۆرتینگ براگا یاریدەکەن.
خ . ک