PM:04:17:30/01/2025
184 جار خوێندراوەتەوە
+
-
لیڤاندۆڤسکی
چاوەڕێی پاداشتی یانەکەی دەکات بە نوێکردنەوەی گرێبەستەکەی بۆ یەک وەرزیتر.
رۆبێرت لیڤاندۆڤسکی
پۆڵەندی لە هاوینی ساڵی 2022 بە گرێبەستێکی چوار وەرزی و تا هاوینی 2026 پەیوەندی
کرد بە یانەی بەرشەلۆنەی ئیسپانیەوە.
بە پێی خاڵێکی
رێککەوتنی نێوان هەردوولا، ئەگەر لە وەرزی پێش کۆتاییدا واتا لەم وەرزەدا
لیڤاندۆڤسکی بەشداری لە سەدا 55ی یارییەکانی یانەکەی بکات ئەوا دەبێت گرێبەستی ئەو
یاریزانە نوێبکرێتەوە.
رۆژنامەی موندۆ
دیپۆرتیڤۆی ئیسپنی ئاشكرایکردووە، لە ئێستادا لیڤاندۆڤسکی چاوەڕێی پاداشتی
بەرپرسانی بەرشەلۆنە دەکات بە نوێکردنەوەی گرێبەستەکەی بۆ یەک وەرزیتر.
موندۆ ئاماژەی
بەوەداوە، پێویست ناکات تا کۆتایی وەرز چاوەڕێی ئەو بابەتە بکرێت چونکە ئەو
یاریزانە لە ئێستاوە ئەو بابەتەی کۆتاییپێهێناوە و ئەگەر تا کۆتایی وەرزیش یاری
نەکات ئەوا بە دڵنیاییەوە زیاتر لە سەدا 55ی یارییەکانی یانەکەی بەشداری کردووە.
نوسیویشیەتی،
هێرشبەرە پۆڵەندییەکە بەهۆی ئەو ئاستە بەرزەی لەم وەرزەدا لە خولی ئیسپانیا و چامپیۆنز
لیگ پێشکەشی کردووە، وای لە بەرپرسانی بەرشەلۆنە کردووە بیر لە نوێکردنەوەی گرێبەستەکەی
بکەنەوە.
لیڤاندۆڤسکی 126
یاری بە درێسی بەرشەلۆنەوە ئەنجامداوە و خاوەنی 88 گۆڵ و 20 ئەسیستە، نازناوێکی
خولی ئیسپانیا و دوو نازناوی جامی سوپەری ئیسپانیای لەگەڵدا بەدەستهێناوە.
خ . ک