PM:03:46:30/01/2025
104 جار خوێندراوەتەوە
+
-
یانەی ئیتیفاق
رۆیشتنی جیراردی راگەیاند و راهێنەرەکەش دوپاتیکردەوە ئەزمونی زۆری لە سعودیە
وەرگرتووە.
یانەی ئیتیفاقی
سعودی لە راگەیەندراوێکدا بڵاویکردەوە، لەگەڵ ستیڤن جیراردی راهێنەری ئینگلیزی
گەیشتنە رێککەوتن لەسەر هەڵوەشاندنەوەی گرێبەستەکەی نێوانیان.
یانەکە ئاماژەی
بەوەداوە، کە ئەنجامەکانیان لەم وەرزەدا نیگەرانی کردوون و ئەوەش هۆکاری جیابونەوە
بووە لە ستیڤن جیرارد و لە نزیکترین کاتیشدا جێگرەوەی بۆ دیاریدەکەن.
جیرارد لە هاوینی
ساڵی 2023 ئەرکی راهێنەرایەتی یانەی ئیتیفاقی سعدی وەرگرت و گرێبەستەکەی لە ساڵی
2027 کۆتاییدەهات بەڵام دوای تەنها 18 مانگ ئەو یانەیەی جێهێشت.
دواتر جیرارد لە
لێدوانیکیدا رایگەیاند، سوپاسی سەرجەم ئەندامانی یانەکە و یاریزانان و هاندەرانیشی
دەکات و ئەزمونێکی نایاب بووە بۆی لە کاروانی راهێنەرایەتیدا.
وتیشی، بە ڕێزێکی
زۆرەوە یانەی ئیتیفاق و وڵاتی سعودیە جێدەهێڵێت و بە دڵنیاییشەوە هەوڵەکانی
بەرپرسانی ئەو یانەیە سوودی زۆری بۆ یانەکە و هاندەران دەبێت و هیوای سەرکەوتنیان
بۆ دەخوازێت.
جیرارد لە 55
یاریدا راهێنەرایەتی ئیتیفاقی کردووە و خاوەنی 19 بردنەوە و 16 یەکسانبوون بووە،
لە 25 یاریشدا شکستیهێناوە.
خ . ک