PM:03:00:30/01/2025
120 جار خوێندراوەتەوە
+
-
گواردیۆلا و
ئارتێتا لە لیستی پاڵێوراوانی باشترین راهێنەری مانگی پریمەر لیگدان و حەوت
یاریزانیش پاڵێوراون.
پێگەی یەکێتی تۆپی
پێی ئینگلتەرا، لیستی پاڵێوراوانی بۆ خەڵاتە جیاوازەکانی مانگی یەکی پریمەر لیگ
بڵاوکردەوە کە پەیوەستە بە ئەنجامی تاکەکەسی و بە کۆمەڵ.
لەسەر ئاستی
راهێنەران، هەریەکە لە پیپ گواردیۆلای مانچستەر سیتی و میکێل ئارتێتای ئارسناڵ و
ئیدی هاوی نیوکاسل یونایتد و ئیراولای بۆرنمۆس پاڵێوراون بۆ خەڵاتی باشترین
راهێنەری ئەم مانگەی خولی ئینگلتەرا.
گواردیۆلا لە مانگی
یەکدا لە چوار یاریدا راهێنەرایەتی مانچستەر سیتی کردووە و خاوەنی سێ بردنەوە و یەکسانبوونێکە، ئارتێتاش
لە پێنج یاریدا سێ بردنەوە و دوو یەکسانبوونی بۆ ئارسناڵ بەدەستهێناوە.
لەسەر ئاستی
یاریزانانیش، ئەلیکساندەر ئیزاکی هێرشبەری نیوکاسل یونایتد و فیل فۆدینی مانچستەر
سیتی و کۆدی گاکپۆی لیڤەرپوڵ و مبێمۆ و ماتێتا و جەستن کلەیڤەرت و دیان هۆیسۆن
پاڵێوراون بۆ خەڵاتی باشترین یاریزانی هەمان مانگ.
خ . ک