AM:10:33:27/01/2025
204 جار خوێندراوەتەوە
+
-
ئارسناڵ
ئامادەیە مەرجی هەڵوەشاندنەوەی گرێبەستەکەی ولیامز بداتە ئەتلەتیک بلباو.
ئێل
ناسیۆناڵ بڵاویکردووەتەوە ئاستی نیکۆ ولیامز بووەتە جێگەی سەرنجی زۆرێک لە یانە
گەورەکانی ئەوروپا و لەچەندین خولی جیهانەوە هەوڵی گواستنەوەی دەدرێت.
سەرچاوەکە
بڵاویکردووەتەوە یانەی ئارسناڵ لەسەرداوای ئارتێتا بەجدی هەوڵی گواستنەوەی ئەو
ئەستێرە ئیسپانییە دەدەن.
ئەوەی
جێگەی سەرنجە گەنەرز ئامادەیە لە هاوینی داهاتوودا مەرجی هەڵوەشاندنەوەی
گرێبەستەکەی نیکۆ بداتە بلباو کە بڕەکەی 42 ملیۆن پاوەندە.
گەنەرز
تاوەکوو ئێستا لەگەڵ یاریزانەکە نەگەشتووەتە رێککەوتنی کۆتایی و بەڵام دەیەوێت لە
نزیکترین کاتدا ئەم گرێبەستە یەکلای بکاتەوە، چونکە باش دەزانێت بەرشەلۆنە و بایرن
میونشن و لیڤەرپوڵ ئارەزووی گواستنەوەی دەکەن.
گرێبەستی یاریزانەکە لەگەڵ ئەتلەتیک بلباو لە هاوینی
ساڵی 2027 کۆتایی پێدێت و تاوەکوو ئێستا هیچ ئاماژەیەک نییە بۆ نوێ کردنەوەی ماوەکەی
و هەڵوێستی یانە باسکییەکەش ڕوننیە سەبارەت بە داهاتووی نیکۆ ولیامز.
ئەستێرە ئیسپانییەکە لەگەڵ تیپی یەکەمی یانەکەی بەشداری
151 یاری کردووە و لەوماوەیەدا توانیوێتی 23 گۆڵ و 31 ئەسیست تۆماربکات و ئاستێکی
تارادەیەک باش پێشکەش بکات.
چ.س