PM:05:32:13/01/2025
100 جار خوێندراوەتەوە
+
-
ئەتڵانتا دەیەوێت
کالڤێرت لوین بەشێوەیەکی خۆرای و پاش تەواوبوونی گرێبەستەکەی بگوازێتەوە.
ڕۆژنامەی زە سەنی
بەریتانی بڵاویکردەوە، یانەی ئاتالانتا هەوڵی گواستنەوەی دۆمینیک کالڤێرت لیوینی،
هێرشبەری یانەی ئیڤەرتۆن دەدات.
ڕۆژنامەکە ئاماژەی بەوەشکردووە،
یانەی ئاتالانتا کە ئامانجی ڕکابەرییە بۆ بەدەستهێنانی نازناوی خولی ئیتاڵیا، نوێنەرێکی
ڕەوانەی مێرسیساید کردووە، بە ئامانجی کۆبوونەوە لەگەڵ بەرێوبەری کارەکانی
یاریزانەکە.
گرێبەستەکەی دۆمینیک
کالڤێرت لوین لەگەڵ ئیڤەرتۆن لە هاوینی 2025 کۆتایی دێت، هەربۆیە یانەی ئاتالانتا
بەنیازە لە کۆتایی ئەم وەرزەدا بە خۆڕایی گرێبەستی لەگەڵدا واژۆبکات.
یانە ئیتاڵییەکە ئامادەیە لەم گواستنەوەی زستانەی
ئێستادا گرێبەست لەگەڵ لوین واژۆبکات بڕە پارەیەکیش لەبەرامبەر پێدانی بدەنە
ئیڤەرتۆن، بەڵام ئەگەر رازی نەبن لە حوزەیرانی داهاتوودا بەخۆرای دەبێتە یاریزانی
یانەکە.
ئەوەی جێگەی
سەرنجە لەماوەکانی رابردوودا نیوکاسڵیش ئارەزووی خۆی بۆ گواستنەوەی ئەم هێرشبەرە ئینگلزییە
دەربڕیوە بەڵام کالڤێرت دەیەوێت ئەزمونێکی نوێ لەدەرەوەی پریمەرلیگ تاقی بکاتەوە.
دۆمینک کالڤێرت
لوین لەگەڵ ئیڤەرتۆن بەشداری 266 یاری کردووە و لەوماوەیەدا توانیوێتی 70 گۆڵ و 19
ئەسیست تۆماربکات و ئاستێکی باش پێشکەش بکات.