PM:06:44:10/01/2025
88 جار خوێندراوەتەوە
+
-
کۆمپانی
روونیکردەوە توانای بردنەوەی نازناوەکانیان هەیە و دەیەوێت لە نیوەی دووەمی وەرزەکە
گۆڵی زیاتر تۆماربکەن.
ڤینسێنت کۆمپانی ڕاهێنەری یانەی بایرن میونشن پێش یارییەکەیان بەرامبەر بروسیا میونشنگلادباخ رایگەیاند، کاتێک سەیری بەشی یەکەمی وەرزەکە
دەکەن دەتوانن بڵێن باڵادەستییان بەسەر یاریگادا سەپاندووە.
وتیشی: سەرەڕای ئەو کارانەی کردوومانە چەند
یارییەکیشمان دۆڕاندووە، پێویستمان بە هاوسەنگی هەیە هەروەها شتگەلێکیش هەیە کە
دەتوانین باشتر ئەنجامی بدەین.
کۆمپانی ئاماژەی بەوەشکرد، دەتوانن نازناوەکان
بەدەستبهێنن و دەیەوێت یاریزانەکان ببینێت لە دۆخێکی باشتر، دەیەوێت چانسی کەمتری
گۆڵیان بەراورد بە نیوەی یەکەمی وەرزەکە هەبێت بەڵام بە مەرجی تۆمارکردنی گۆڵی زیاتر، ئەوەش پەیوەندی بە عەقڵیەتی
یاریکردنەوە هەیە.
دوپاتیشیکردەوە، جەمال موسیالا یاریزانێکە کەس
ناتوانێت جێگای بگرێتەوە و بەم زووانە دەگەڕێتەوە، خۆشبەختانەش نۆیەر گەڕاوەتەوە
بەڵام دانیال پێرتز چەند هەفتەیەکی دیکەش
ئامادە نابێت.
بیلال کاکە