PM:10:12:10/01/2025
132 جار خوێندراوەتەوە
+
-
بەرشەلۆنە بە جددی چووەتە رکابەری بەدەستهێنانی
مارکۆس راشفۆرد بە شێوەی خواستن.
رۆژنامەنووس خوانمارتی لە رۆژنامەی سپۆرت بڵاویکردەوە،
یانەی بەرشەلۆنە دەیەوێت هێڵی هێرشبردنی بەهێزتر بکات بۆ ئەو مەبەستەش چاوی لە گواستنەوەی
مارکۆس راشفۆردە.
رۆژنامەنووسەکە دوپاتیکردەوە، بلاوگرانا پرسیاری
لە بارەی مەرج و خواستەکانی یاریزانەکە کردووە و پلانی ئەوەیە بە شێوەی خواستن تا
کۆتایی ئەم وەرزە هێرشبەرەکەی مان یونایتد بخاتە نێو ریزەکانی.
باسی لەوەشکردووە، بەرشەلۆنە بەدەست کێشەی
داراییەوە دەناڵێنێت، لەبەر ئەوە لە ئێستادا کار لەسەر چارەسەرەکان دەکەن و دیکۆی
بەڕێوبەری وەرزشی یانەکەش کار لەسەر گواستنەوەی ئەستێرە ئینگلیزیەکە دەکات.
ئەمە لە کاتێکدایە خواستی چەندین یانەی ئەوروپی
دیکەش لە نێویاندا ئەی سی میلان بۆ گواستنەوەی راشفۆرد یەکلابووەتەوە، بەڵام
یاریزانەکە تا ئێستا بڕیاری خۆی نەداوە.
مارکۆس راشفۆرد تەمەنی 27 ساڵە و نرخی لە بازاڕی گواستنەوەی
یاریزانان 55 ملیۆن یۆرۆیە، لە کۆی 440 یاری بۆ شەیتانە سورەکان 143 گۆڵ و 63
ئەسیستی تۆمارکردووە.
بیلال کاکە