PM:05:35:10/01/2025
148 جار خوێندراوەتەوە
+
-
سبەینێ لە جامی
یەکێتی ئینگلتەرا مان سیتی و چێڵسی بە جیا یارییان هەیە و لە خولی ئیتاڵیا دێربی
تۆرینۆ بەڕێوەدەچێت.
سبەینێ لە یارییەکانی
قۆناغی 64ی جامی یەکێتی ئینگلتەرا چەند یارییەک ئەنجامدەدرێن و لە کاتژمێر هەشت و
45 خولەکدا، یانەی مانچستەر سیتی لە یاریگای ئیتیحاد میوانداری یانەی سالفۆرد سیتی
دەکات.
براوەی هەر یارییەک
لە جامی یەکێتی ئینگلتەرا راستەوخۆ دەگاتە قۆناغی 32ی پاڵەوانێتییەکە و هەر
یارییەکیش بە یەکسانبوون کۆتاییبێت ئەوا یاری گەڕانەوە یانەی گەیشتوو بە قۆناغی
داهاتوو دیاریدەکات.
پێشتریش لە کاتژمێر
شەشدا، یانەی چێڵسی لە یاریگای ستامفۆرد بریجی تایبەت بە خۆی میوانداری یانەی مۆرکامپ
دەکات، لیڤەرپوڵیش رووبەڕووی ئاکرینتۆن دەبێتەوە.
هەر سبەینێ بەڵام لە
خولی ئیتاڵیا و لە کاتژمێر 10 و 45 خولەکدا، یانەی ئەی سی میلان لە یاریگای سان
سیرۆ میوانداری یانەی کالیاری دەکات، پێشتریش لە کاتژمێر هەشتدا، دێربی تۆرینۆ لە
نێوان یۆڤانتۆس و تۆرینۆ ئەنجامدەدرێت.
لە یارییەکانی خولی
ئیسپانیاش، ڤالانسیا لە دەرەوەی یاریگای خۆی رووبەڕووی سیڤییە دەبێتەوە و لە خولی
فەرەنساش مارسیلیا دەبێتە میوانی رین.
خ . ک