PM:11:17:08/01/2025
260 جار خوێندراوەتەوە
+
-
یامال دوپاتیکردەوە گرێبەستەکەی لەگەڵ بەرشەلۆنە نوێدەکاتەوە چونکە دڵخۆشە و یانەی ژیانیەتی.
لامین یامالی ئەستێرەی یانەی بەرشەلۆنە لە نوێترین چاوپێکەوتنیدا رایگەیاند، نازانێت کەی گرێبەستەکەی نوێدەکاتەوە بەڵام دڵنیایە بەم نزیکانە ئەو بابەتە یەکلادەبێتەوە و لە بەرشەلۆنە بەردەوام دەبێت چونکە یانەی ژیانیەتی.
یامال دەڵێت، دەمەوێت لە خولی ئیسپانیا بەردەوام بم لە یاریکردن و لەگەڵ بەرشەلۆنە ئامانجەکانم بەدیبهێنم، ئەمساڵیش هەموو هەوڵێک دەدەین بۆ بەدەستهێنانی سەرجەم نازناوەکان کە تیایدا بەشدارین.
دەشڵێت، هانسی فلێک راهێنەرێکی زیرەکە و شێوازی یاریکردنی جیاوازە و ئێمەش هەوڵمانداوە لەگەڵ پلانەکانیدا خۆمان بگونجێنین تا ئێستا ئەو کارەشمان بە باشترین شێوە ئەنجامداوە.
وتیشی، راستە لیۆنێل میسی ئەستێرەیەکی گەورەی تۆپی پێیە بەڵام من هەموو کات سەرسامبووم بە نەیمار دا سیلڤا و نمونەی باڵام بووە، لە یانەکانی سانتۆس و بەرشەلۆنە بەردەوام بینەری بووم.
ئاماژەی بەوەشدا، روداوەکان زۆر بە خێرایی تێپەڕیون بە شێوەیەک کە لە تەمەنێکی کەمدا گۆڵی لە کلاسیکۆ و چامپیۆنز لیگدا کردووە و لەگەڵ هەڵبژاردەکەشی نازناوی جامی یۆرۆی بەدەستهێناوە.
خ . ک