AM:10:24:07/01/2025
228 جار خوێندراوەتەوە
+
-
ئەمشەو لە جامی
کاراباو ئارسناڵ میوانداری نیوکاسل دەکات و لە جامی سعودیەش هیلال و ئیتیحاد یاری
لوتکە ئەنجامدەدەن.
ئەمشەو یارییەکانی چوونی
قۆناغی پێش کۆتایی جامی کاراباوی ئینگلتەرا دەستپێدەکات و لە کاتژمێر 11 یانەی
ئارسناڵ لە یاریگای خۆیدا میوانداری یانەی نیوکاسل یونایتد دەکات.
ئارسناڵ لە قۆناغی
چارەکی کۆتاییدا بە زەحمەت توانی بردنەوەی بەسەر کریستال پالاس بەدەستبهێنێت، نیوکاسل
یونایتدیش لە بڕێنتفۆردی بردەوە.
سبەینێش لە دووەم
یاری ئەو قۆناغەدا، هەردوو یانەی تۆتنهام و لیڤەرپوڵ رووبەڕووی یەکدەبنەوە،
بڕیاریشە یارییەکانی گەڕانەوە لە پێنج و شەشی مانگی دووی داهاتوو ئەنجامبدرێن.
هەر ئەمشەو بەڵام
لە قۆناغی چارەکی کۆتایی جامی شای سعودیە، هەردوو یانەی هیلال و ئیتیحاد لە یاری
لوتکەدا و لەکاتژمێر هەشت و 30 خولەکدا رووبەڕووی یەکدەبنەوە و براوەیان دەگاتە قۆناغی
پێش کۆتایی.
لە یارییەکی
بەهێزیشدا و لە قۆناغی پێش کۆتایی جامی رابیتەی پورتوگالدا، هەردوو یانەی سپۆرتینگ
و پۆرتۆ لە کاتژمێر 10 و 45 خولەکدا بەرامبەر یەکتر یاریدەکەن.
خ . ک