AM:11:23:08/01/2025
108 جار خوێندراوەتەوە
+
-
ماینۆ بۆ درێژەپێدانی نوێکردنەوەی گرێبەستەکەی
داوای موچەیەکی زۆر لە بەرپرسانی مان یونایتد دەکات.
رۆژنامەی دەیلی مەیڵ ئاشکرایکردووە، کۆبی ماینو داوای لە بەرپرسانی مان یونایتد
کردووە مووچەکەی بۆ زیاد بکەن تا درێژەی بە دانوستانەکانی نوێکردنەوەی گرێبەستەکەی
بدەن.
گرێبەستی یاریزانە لاوەکە لە هاوینی 2027
بەسەردەچێت، لە ئێستاشدا لەلایەن چێڵسییەوە گرنگی پێدەدرێت و دەنگۆ هەیە چەند
یانەیەکی گەورەی دیکەش خواستیان لە گواستنەوەی هەیە، شەیتانە سورەکانیش دەیانەوێت
پارێزگاری لێبکەن چونکە بە بناغەی داهاتووی یانەکەی دادەنێن.
کۆبی لە ئێستادا موچەکەی بە نزیکەی 20 هەزار
پاوەندە لە هەفتەیەکدا بەپێی ئەو زانیارییەی سەرچاوە ئینگلیزیەکە ئاشکرایکردووە،
داوادەکات مووچەی هەفتانەکەی بەرزبکەنەوە بۆ 200 هەزار پاوەند.
ئەوەش لەکاتێکدایە یانەکە بە هەبوونی هاوخاوەنێکی
وەک سێر جیم راتکڵیف خەریکی رێکخستنەوەی خەرجییەکانە و هەنگاوەکانی گەشتووەتە
کەمکردنەوەی کارمەند و جۆر و بڕی خواردنەکانیشیان، وە بە نیازن بەشێکی ئەو
یاریزانانەی مووچەیان زۆرە لە کۆڵی یانەکەی بکەنەوە.