PM:11:54:05/01/2025
196 جار خوێندراوەتەوە
+
-
مباپێ بەباشترین یاریزانی مانگی رابردووی ریاڵ مەدرید دیاریکرا
و سوپاسی هاندەرانیشی کرد کە دەنگیان پێداوە.
کیلیان مباپێ، ئەستێرەی فەرەنسی یانەی ڕیال مەدرید، دواجار
دوای چەند هەفتەیەک لە نەدرەوشانەوە، بۆ یەکەمجار لەلایەن هاندەرانەوە وەک باشترین
یاریزانی مانگی کانوونی دووەمی یانەی ڕیال مەدرید هەڵبژێردرا.
مباپێ لە کۆتا مانگی 2024دا لە سەرجەم ئەو یارییانەی لەگەڵ یانەی ڕیال ئەنجامیدا
پێنج گۆڵی تۆمارکرد و هەروەها لە یاری کۆتایی جامی کیشوەری یانەکان درەوشایەوە و
هۆکارێکی بەدەستهێنانی نازناوەکەبوو بۆ مێرەنگی.
دوای وەرگرتنی خەڵاتەکە، لە چاوپێکەوتنێکدا لەگەڵ ماڵپەڕی فەرمی یانەی ڕیال
مەدرید، مباپێ وتی: دەمەوێت سوپاسی هاندەران بکەم کە منیان هەڵبژارد، مانگی کانوونی
دووەم مانگێکی زۆر باش بوو بۆ من و ڕیال، چونکە جگە لە بردنەوەی پاڵەوانێتییەک، بردنەوەی
گرنگمان لە لالیگا و چامپیۆنز لیگ بەدەستهێنا.
باسی لەوەشکرد، لەگەڵ یاریزانەکانی هاوڕێیدا لە دۆخی زۆر
باشدان و ساڵی 2025یان بەباشی دەستپێکردووە و لە یارییەکی قورسدا شکستیان بە
ڤالانسیا هێناوە، هیواداریشە لە یارییەکانی داهاتووش بەو ئاستەوە بەردەوام بن.