PM:11:31:05/01/2025
308 جار خوێندراوەتەوە
+
-
سلۆت دوپاتیکردەوە لە تەواوی یارییەکە لە مان
یونایتد باشتر بوون و ئەمۆریمیش گەشبینە بە داهاتوویان.
پاش یەکسانبوونیان لەگەڵ مانچستەر یونایتد،
ئارنی سلۆتی راهێنەری لیڤەرپول رایگەیاند، لە کۆتایی یارییەکەدا چانسیان هەبووە کە
گۆڵیان لێ تۆمارنەکراوە، بەڵام ئەگەر باس لە تەواوی یارییەکە بکەن لە یونایتد
باشتر بوون.
ئاماژەی بەوەشکرد، برۆنۆ یاریزانێکی زۆر باشە
و لەم یارییەشدا ئاستێکی بەرزی پێشکەش کردووە، دالۆتیش یەکێک بووە لە یاریزانە
پڕجوڵەکانی یارییەکە و جێگای ستایشە، خراپی ئاستی ئارنۆڵدیش هەر بەهۆی کوالێتی ئەو
دوو یاریزانەوە بوو.
وتیشی: ئێمە تووشی سەرسوڕمان نەبووین لە ئاستی یونایتد، چەند هەفتەیەکە بەم شێوازە
یاری دەکەن و ڕەنگە تەنها جیاوازیان ئەوە بووبێت کە زۆربەی کاتەکان یارییان بە
تۆپی بەرز دەکرد.
لەلایەکی ترەوە، رۆبن ئەمۆریمی راهێنەری مان یونایتد جەختی لەسەر ئەوە
کردەوە یارییەکی باشیان ئەنجامداوە و لە کۆتایی یارییەکەشدا یاریزانەکانی هیلاک
بوون و بەروونی پێوەیان دیاربووە کە یارییەکی باشیان ئەنجامداوە.
هەروەها ستایشی ئاستی دالۆت و برۆنۆی کرد، رەتیشیکردەوە سەرزەنشتنی هاری ماگوایەر
بکات بۆ لەدەستدانی هەلی کۆتایی یارییەکە.
ئەمۆریم، گەشبینی خۆی بۆ داهاتووی تیپەکەی دوپاتکردەوە و هیواشی خواست بەو
جۆرە لە یارییەکانی داهاتوویان بەردەوام بن، بە هەمان ئەقڵیەت و بە هەمان تواناوە.