PM:10:56:05/01/2025
224 جار خوێندراوەتەوە
+
-
ڤان دایک جەختی لەسەر ئەوە کردەوە هێشتا
پێویستیان بە بەرەوپێشچوونی زیاترە و دەکرا ئەنجامێکی خراپتنریان هەبێت بەرامبەر یونایتد.
پاش یەکسانبوونیان لەگەڵ مانچستەر یونایتد،
ڤێرجڵ ڤان دایکی کاپتنی لیڤەرپول رایگەیاند، ئەگەر لەگەڵ خۆیاندا راستگۆ بن دەکرا
ئەنجامەکە زۆر لەوە خراپتر بێت کە روویدا، چونکە مان یونایتد لە کۆتاییەکانی
یارییەکە هەلێکی گەورەی گۆڵ تۆمارکردنیان فەوتاندووە.
ئاماژەی بەوەشکرد، دڵگرانیشە سەبارەت بەوەی دوو خاڵیان لە یاریگای خۆیاندا لەدەستداوە بەڵام
دەبێت لەبیری بکەن و سەرنجیان لەسەر داهاتوو بێت چونکە یارییەکە کۆتایی پێهاتووە.
وتیشی: دەبێت زیاتر تۆپ لەلای خۆمان
بهێڵێنەوە نەک تەنیا سێ بۆ چوار پاس تۆپمان لەلابێت، وە لە یارییەکەدا هەندێکجار
یارییەکی کراوەمان کرد، ئەوەش دەیسەلمێنێت ئێمە هێشتا تەواو نین و لە دۆخی
فێربوونداین و دەبێت ئەم یارییەش وەک وانەیەک تەماشا بکەین.