PM:05:05:28/12/2024
428 جار خوێندراوەتەوە
+
-
ریاڵ مەدرید دەیەوێت سوود لە ئەگەری سزدانی مانچستەر
سیتی وەربگرێت و هالاند بگوازێتەوە.
یانەی شاهانە لەم ماوەیەی دواییدا ئیرلینگ هالاند یاریزانی
نەرویجی لە بیری خۆی دوور نەخستوەتەوە، سەرەڕای هێوربوونەوەی ئەو هەواڵانەی باس لەوە
دەکەن کە پاش هاتنی مباپێ ئەستەمە یانەکە بیر لە گواستنەوەی ئیرلینگ بکاتەوە.
ڕادیۆی کادینا سێری ئیسپانی بڵاویکردەوە، ڕیال مەدرید هێشتا
دەیەوێت هەوڵی کڕینی هالاند بدات، ڕەنگە هاوینی داهاتوو گرێبەستێک پێشکەش بکات بۆ گواستنەوەی
ئەو یاریزانە، ئەمەش بە سود وەرگرتن لە قەیرانی سیتی و ئەو تۆمەتانەی ئاراستەی دەکرێت.
سەرچاوەکە ڕوونیکردەوە، هالاند بیر لە رۆشتن دەکاتەوە ئەگەر
مانچستەر سیتی بەفەرمی سزاکانی بەسەردا بسەپێندرێت و دوو وەرز لە چامپیۆنزلیگ
دووربخرێتەوە.
لەهەمان کاتدا هاتنی ئیرلینگ هالاند بۆ ڕیاڵ مەدرید بە
مانای دەستبەرداربوون دێت لە ڕۆدریگۆ گۆوسی بەڕازیلی و پێرێز دەیەوێت سیانەی
پێشەوەی هالاند و مباپێی و ڤینیسۆس بن.
ئەستێرە نەرویجییەکە
لەگەڵ یانە ئینگلیزییەکە بەشداری 123 یاری کردووە و لەوماوەیەدا توانیوێتی 108 گۆڵ
و 15 ئەسیست تۆماربکات.