PM:01:22:18/12/2024
136 جار خوێندراوەتەوە
+
-
پەیوەندی نێوان گارناچۆ و ئەمۆریم باش نییە و
ئەتلەتیکۆ مەدریدیش بە جددی هەوڵی گواستنەوەی یاریزانەکە دەدات.
پێگەی فیچاخێسی ئیسپانیبڵاویکردووەتەوە، ئەتلەتیکۆ مەدرید بە جددی بیر لە گواستنەوەی گارناچۆ
دەکاتەوە و یاریزانە ئەرجەنتینییەکە یەکەمین ئامانجی یانەکە دەبێت لە
گواستنەوەکانی داهاتوو.
گارناچۆ یەکێکە لە دیارترین یاریزانانی لاو لە
پرێمەرلیگ و بەشێوەیەکی بەردەوام هاوکاری یانەکەی کردووە، لەم وەرزەشدا هەشت گۆڵ و
چوار ئەسیستی هەیە لە 24 یاری لە
پاڵەوانێتییە جیاوازەکان.
بەگوێرەی دوایین زانیارییەکانی تۆڕە ئیسپانییەکە
بێت، پەیوەندی نێوان گارناچۆ و روبن ئامۆریم، راهێنەری نوێی شەیتانە سوورەکان باش
نییە، راهێنەرەکە ئامادەیە گوێ لە تەواوی ئۆفەرەکانی فرۆشتنی لاوە ئەرجەنتینییەکە
بگرێت.
راهێنەرە پۆرتوگالییەکە دەیەوێت گۆڕانکاری گەورە
لە پێکهاتە و شێوازی یارییکردنی مان یونایتد بکات، گارناچۆش لە سەرەتای ئەم
مانگەوە، هیچ یارییەک 90 خوولەک یاریی نەکردووە و ئامۆریم پێی وایە، یاریزانەکە
ناتوانێت خۆی لەگەڵ شێوازی نوێی تیپەکە بگونجێنێت.