PM:05:30:10/12/2024
132 جار خوێندراوەتەوە
+
-
محەمەد سەڵاح بەهۆی
پێشکەش کردنی ئاستێکی بەرز بە باشترین یاریزانی مانگی 11ی پریمەر لیگ دیاریکرا.
رابیتەی یاریزانە
پیشەگەرەکانی ئینگلتەرا لە راگەیەندراوێکی فەرمیدا بڵاویکردەوە، محەمەد سەڵاحی
ئەستێرەی یانەی لیڤەرپوڵ خەڵاتێکی نوێی بەدەستهێناوە.
یەکێتییەکە ئاماژەی
بەوەداوە، هێرشبەرە میسڕییەکە بەهۆی ئەو ئاستە بەرزەی لە چەند هەفتەی رابردوودا
پێشکەشی کردووە، بە باشترین یاریزانی مانگی رابردووی پریمەر لیگ دیاریکراوە.
ئەم خەڵاتە جیاوازە
لە خەڵاتی مانگانەی یەکێتی تۆپی پێی ئینگلتەرا کە دەدرێت بە باشترین یاریزانی مانگ
و ئەمەیان لەلایەن رابیتەی یاریزانە پیشەگەرەکانەوە دەدرێت بە یاریزانان.
محەمەد سەڵاح لە
مانگی 11دا بەشداری سێ یاری لیڤەرپوڵی کردووە لە پریمەر لیگدا، چوار گۆڵی بۆ
یانەکەی تۆمارکردووە و یەک ئەسیستی هەبووە، لە ئێستاشدا بە هاوبەشی لەگەڵ هالاند
بە 13 گۆڵ لە پێشەنگی گۆڵکارانی خولەکەدایە.
خ . ک