PM:02:19:10/12/2024
356 جار خوێندراوەتەوە
+
-
ریاڵ مەدرید
دەیەوێت لیساندرۆ مارتینێز بگوازیتەوە ریزەکانی لە هاوینی داهاتوودا.
پێگەی تی بی
ئاڕ فتبوڵی بەریتانی ئاماژەی بەوەکردووە لیساندرۆ مارتینێزی ئەستێرەی یانەی مانچستەر
یونایتد لە راداری یانەی ریاڵ مەدریدایە لە گواستنەوەی هاوینەدا.
سەرچاوەکە
باسی لەوەکردووە مارتینێز توانایەکی باشی یاریکردنی هەیە و یاریزانێکی زۆر دڵسۆز و
بەرۆحیەتە، هەربۆیە ریاڵ مەدرید دەیەوێت گرێبەستی پێشکەش بکات.
لە هەمان
کاتدا پاش گۆڕینی راهێنەر لە مانچستەر یونایتد و دوورخستنەوەی تین هاگ و هێنانی ئامۆریم
هێشتا ڕووننیە ئایا لیساندرۆ لە پلانەکانی ئەو راهێنەرە پورتوگالییەدا جێگەی
دەبێتەوە.
گرێبەستی
مارتینێز لە حوزەیرانی ساڵی 2027 کۆتایی پێدێت و تاوەکوو ئێستا هیچ ئاماژەیەک نییە
بۆ درێژکردنەوەی ماوەکەی، بەڵام پێدەچێت مانچستەر یونایتد بیەوێت لە هاوینی
داهاتوودا ئەو یاریزانە بفرۆشێت ئەگەر گرێبەستەکەی نوێ نەکاتەوە.
ئەستێرە
ئەرجەنتینییەکە لەگەڵ یانە ئینگلیزییەکە بەشداری 78 یاری کردووە و لەوماوەیەدا
توانیوێتی یەک گۆڵ و یەک ئەسیست تۆماربکات.