AM:11:56:24/11/2024
120 جار خوێندراوەتەوە
+
-
ئاراوخۆ
لەسەرەتایی مانگی داهاتوودا بەفەرمی دەگەرێتەوە یاریگاکان و لە ئێستادا بەتەواوی
ئامادەنییە.
ڕاپۆرتە ڕۆژنامەوانییەکان
وادەی گەرانەوەی ڕۆناڵد ئاراوخۆی یاریزانی ئۆرۆگوای، بەرگریکاری تیپی یەکەمی یانەی
بەرشەلۆنەی ئیسپانی، بۆ یاریگاکان ئاشکراکرد.
ئاراخۆ لە
مانگی تەمموزی ساڵی ڕابردوودا تووشی پێکانێکی سەخت بوو لە قاچی ڕاستیدا، ئەوەش لە کاتی
بەشداریکردنی لە پاڵەوانێتی کۆپا ئەمریکا لەگەڵ هەڵبژاردەی وڵاتەکەی، ئەمەش وایکرد
لە فینلەندا نەشتەرگەری بۆ بکرێت.
ئەوەی جێگەی
سەرنجە رۆناڵد ئاراوخۆ دەستی کردووەتەوە بە راهێنان کردن بەڵام 10 ڕۆژی ماوە بۆ بەدەستهێنانی
رێگەپێدانی پزیشکی.
لەهەمان کاتدا
رۆژنامەی ئاس بڵاوکردووەتەوە بەرگریکارەکەی
بەرشەلۆنە پێش ئەوەی بە فەرمی بگەڕێتەوە، پێویستی لانیکەم شەش بۆ هەشت مەشقی
بەکۆمەڵ لەگەڵ تیپەکەی ئەنجام بدات، ئەمەش بەو مانایەیە کە بەرامبەر برێست لە چامپیۆنز
لیگ و بەرامبەر لاس پاڵماس بەشداری ناکات.
سەرچاوەکە ئاماژەی
بەوەکردووە یاریزانەکە بۆ یارییەکەی بەرشەلۆنە بەرامبەر یانەی ڕیال مایۆرکا دەگەرێتەوە،
کە بڕیارە لە 3ی کانونی یەکەمی داهاتوو ئەنجامبدرێت.