PM:06:34:20/11/2024
100 جار خوێندراوەتەوە
+
-
لیمپاری یاریزانی پێشووی سوید پێیوایە یۆکیرێس دەچێتە پریمەرلیگ و نزیکترین
یانەش لێوەی ئارسناڵە.
ڤیکتۆر یوکیرێس ڕووخسارێکی نوێی تۆپی پێیە، هاندەرێکی زۆری لە سەرانسەری جیهاندا
بەدەستهێناوە، ئەم هێرشبەرە لێهاتوویەکی بەرزی هەیە لە تۆمارکردنی گۆڵ و ئاستێکی زۆر
باشی لەگەڵ یانەی سپۆرتینگ و هەڵبژاردەی سوید پێشکەش کردووە.
لەم وەرزەدا لە 24 یاریدا 32 گۆڵی و هەشت ئەسیستیشی تۆمارکردووە، ئاندێرس لیمپار،
کە یاریزانێکی پێشووی سویدییە و لە یانەکانی وەک ئارسناڵ و ئێڤەرتۆن یاری دەکردووە،
ستایشی ئەستێرەکەی کرد و باسی لە داهاتووشی کرد.
لیمپار وتی: من باش دەیناسم، پێشتر راهێنەری بوومە، قسەم لەگەڵی کردووە و هێرشبەرێکی ماندوونەناسە.
باسی لەوەشکرد، هێرشبەرە سویدییەکە لە
ئێستادا یەکێکە لە باشترین هێرشبەرەکانی جیهان و لە ئاستی هالاند و محەمە سەڵاح و
یاریزانە گەورەکانی تردایە.
ئەندرێس
لیمپار ئاماژەی بەوەکرد ئەگەری زۆرە هێرشبەرەکە بچێتە ئارسناڵ و لەوبارەیەشەوە وتی:
پێموایە وێستەگەی داهاتووی یۆکیرێس پریمەرلیگە، ئەگەر ئارسناڵ بیکڕێت بێگومان پەیوەندیم
پێوە دەکەن، دەبێت ئەوەمان لەبیربێت کە خولی پورتوگالی وەک پرێمەرلیگ باش نییە بەڵام
کاتێک مان سیتی چووە لیشبۆن، یاریزانەکە هاتریکی بەرامبەر تۆمارکردن.