PM:08:16:14/07/2024
424 جار خوێندراوەتەوە
+
-
لە جامی ویمبڵدۆن ئەلکاراز لە جۆکۆڤیچی
بردەوە و بە دووەمجار لەسەر یەک نازناوەکەی بەدەستهێنا.
لە یاری کۆتایی جامی ویمبڵدۆن، کارلۆس ئەلکارازی
ئیسپانی روبەڕووی نۆڤاک جۆکۆڤیچی سڕبی بوەوە.
لە کۆمەڵەی یەکەم کوڕە ئیسپانییە زۆر باشتر
بینرا و توانی بە ئاسانی بە شەش گێم بەرامبەر بە دوو گێم بردنەوە بەدەستبهێنێت، لە
کۆمەڵەی دووەم چاوەڕێی گەڕانەوەی جۆکۆڤیچ دەکرا بەڵام بە پێچەوانەی
پێشبینییەکانەوە ئەو کۆمەڵەیەش ئاستێکی خراپی پێشکەش کرد و ئەلکاراز بە شەش گێم
بەرامبەر بە دوو گێم بردنەوەی بەدەستهێنا.
کۆمەڵەی سێیەم هەرچەندە کێبڕکێیەکی تووندا بینرا
و ئەستێرە سڕبییەکە ویستی بە بردنەوە یاریییەکە بۆ کۆمەڵەی چوارەم درێژبکاتەوە
بەڵام نەیتوانی سەرکەوتوو بێت و ئەلکاراز توانی ئەو کۆمەڵەش بە حەوت گێم بەرامبەر
بە شەش گێم بباتەوە
و سەرەنجامیش یارییەکە بە سێ کۆمەڵەی بێوەڵام
کۆتایی پێهات و کارلۆس ئەلکاراز بۆ دووەم ساڵ لەسەر یەک بووە پاڵەوانی ویمبڵدۆن.