AM:11:31:30/06/2023
2480 جار خوێندراوەتەوە
+
-
هالاند و مباپێ لە پێشەنگی گرانترین یاریزانانی جیهانن و نرخی ڤینیسیۆس
بەڕێژەیەکی زۆر زیادیکردووە.
پێگەی ترانسفێر مارکێت نوێترین ریزبەندی گرانترین یاریزانانی جیهانی
بڵاوکردەوە و نرخی یاریزانەکان بە شێوەی جیاواز گۆڕانکاری بەسەردا هاتووە.
ئێرلینگ هالاندی نەرویجی و کیلیان مباپێی فەرەنسی لە پێشەنگی گرانبەهاترین
یاریزانەکانی جیاندان بە شێوەیەک کە نرخەکەیان 180 ملیۆن یۆرۆیە.
هالاند لە وەرزی رابردوودا نرخەکەی 170 ملیۆن یۆرۆ بوو بەڵام بەهۆی ئاستە
بەرزەکەی لەم وەرزەدا و بردنەوەی سێ نازناو 10 ملیۆن یۆرۆ چووە سەر نرخەکەی و
ئێستا بەهای لە بازاڕی گواستنەوەا هاوشێوەی مباپێیە.
ڤینیسیۆس جۆنیۆری ئەستێرەی هەڵبژاردەی بەرازیل و یانەی ریاڵ مەدرید 30
ملیۆن یۆرۆ چووەتە سەر نرخەکەی و لە ئێستادا لە پلەی دووەمی گرانترین یاریزانانی
جیهاندایە بە نرخی 150 ملیۆن یۆرۆ.
جۆد بێلینگهام و بۆکایۆ ساکای ئینگلیزی و ئۆسیمینی نەیجیری نرخەکەیان 120
ملیۆن یۆرۆیە لە بازاڕی گواستنەوەی یاریزاناندا و لە پلەی سێیەمی ریزبەندیەکەدان.
فیل فۆدینی یاریزانی مانچستەر سیتی و جەمال موسیالای بایرن میوشن بە نرخی
110 ملیۆن یۆرۆ لە پلەی چوارەمدان، پێدری و ڤالڤێردی و رۆدریگۆ بە نرخی 100 ملیۆن
یۆرۆ لە پلەی پێنجەمدان.
لەسەر ئاستی هەڵبژاردەی ئەرجەنتینیش، لاوتارۆ مارتینێز گرانترین یاریزانی
ئەو هەڵبژاردەیە بە نرخی 85 ملیۆن یۆرۆ بە جیاوازی پێنج ملیۆن یۆرۆ لەگەڵ ئینزۆ
فێرناندێز، لیۆنێل میسیش بەهاکەی 35 ملیۆن یۆرۆیە و لە پلەی هەشتەمی گرانترین
یاریزانانی هەڵبژاردەی تانگۆدایە.
خ . ک