PM:02:21:24/10/2022
400 جار خوێندراوەتەوە
+
-
خولی نایابی عێڕاق ئەمڕۆ و سبەی گەڕی چوارەمی دەست
پێدەکات، بڕیارە ئەمڕۆ دووشەممە 24/10/2022 گەڕی چوارەمی خولی نایابی عێڕاق بە
یاری نێوان دیوانیە و زەوڕا دەست پێبکات کە کاتژمێر 3 لە یاریگای ( کوت)ـی ئۆڵۆمپی
یاری دەکەن.
یانەی دهۆك کە تائێستا لە سێ یاریدا خاوەنی 7
خاڵە کاتژمێر 5:15 خولەکی ئێوارە لە یاریگای نەجەف دەبێتە میوانی یانەی نەفتی
ناوەڕاست کە تا ئێستا لە سێ گەڕی ڕابردوو هیچ سەرکەوتنێکی تۆمار نەکردووە و لە
هەرسێ یاریدایەکسان بووە، لە هەمان کاتدا هەر دوو یانەی شوڕتە و نەفت یاری دەکەن و
کاتژمێر 7:30 شەو کارەبا و قوەی جەوی لە یاریگای ( شەعب) یاری دەکەن.
لە یارییەکانی سبەی سێشەممە 25/10/2022
کاتژمێر 3ـی ئێوارە لە یاریگای زاخۆ هەر دوو یانەی کوردستانی زاخۆ و نەورۆز
ڕووبەڕووی یەکتر دەبنەوە، بە هۆی سزادانی یانەی زاخۆ ئەم یاریە بەبێ ئامادەبوونی
هاندەر بەڕێوەدەچێت، لە هەمان کاتیشدا قاسم میوانداری یانەی کەرخ دەکات، کاتژمێر
5:15 خولەکی ئێوارە نەجەف و سناعە وە لە هەمان کاتدا تەڵەبە و نەفتی میسان یاری
دەکەن، لە کاتژمێر 7:30 شەو کەربەلا لە یاریگای خۆیدا بەرامبەر نەفتی بەسڕە یاری
دەکات.
یانەی هەولێریش بە سەرکردایەتی ڕاهێنەری تازە
( غازی فەهد ) سبەی کاتژمێر 7:30 شەو لە نێو یاریگای فرانسۆهەریری ڕووبەڕووی یانەی
حدود دەبێتەوە، هەولێر لە سێ یاری ڕابردوودا تووشی شکست بووە و هیچ خاڵێکی نیە،
یانەی حدود لە سێ یاریدا خاوەن دوو سەرکەوتن و بەرامبەر بوونێکە 7 خاڵیشی
کۆکردۆتەوە، بۆیە هەولێر مەبەستیەتی لەم یاریەوە سنورێک بۆ حدود و بۆ خۆشی دیاری
بکات.