PM:10:28:05/09/2025
136 جار خوێندراوەتەوە
+
-
مارتینێز دوپاتیکردەوە
رۆنالدۆ لە دۆخێکی باشدایە و بەرەو ئامانجەکانیان هەنگاو دەنێن.
رۆبێرتۆ مارتینیزی راهێنەری
پورتوگال پێش رووبەرووبوونەوەی ئەرمینیا وتی: پێویستە یارییەکانی پێشوو لەبیربکەین،
ئەمە ئاڵانگاریی نوێیە، ئەرمینیا لەگەڵ راهێنەری نوێ بەهێزتر دەبێت.
باسی لەوەشکرد، ئەم
قۆناغە قۆناغێکی نوێیە، بە هەموو توانامانەوە کار دەکەین و یاریزانەکان هەموو
سەرنجێکیان خستووەتە سەر یارییەکە و بەرەو ئامانجەکانمان هەنگاو دەنێین.
دەشڵێت: کریستیانۆ
رۆنالدۆ لە دۆخێکی باشدایە و ئەو کاپتن و سەرکردەی تیمەکەیە، بێگوومان بوونی لە
هەڵبژاردەی نیشتیمانی توانا و وزەیەکی ئەرێنی بە هەمووان دەبەخشێت.
وتیشی: دیۆگۆ جۆتا
بەشێکبووە لە سەرکەوتنەکانی پورتوگال، ئەو هێزبوو بۆ ئێمە، سەرچاوەی هەوڵ و کارکردن
بوو، دەیویست مۆندیال بەدەستبهێنێت، ئێمە هەوڵدەدەین بۆ بەدیهێنای ئەو خەونە.