PM:04:27:03/04/2025
1256 جار خوێندراوەتەوە
ئەندامێکی سەرکردایەتی یەکێتى رایگەیاند، گفتوگۆکانیان لەگەڵ پارتى بۆ پێکهێنانی حکومەت زۆر باش بەرەو پێشچووە و دەشڵێت، بەمنزیکانە کۆبوونەوەکانى وەفدى دانوستانى یەکێتى و پارتى دەستپێدەکەنەوە.
ئەمڕۆ پێنجشەممە ٣ـی نیسانی ٢٠٢٥، زیاد جەبار، ئەندامى سەرکردایەتیی یەکێتیی لە لێدوانێکدا بۆ رۆژنامەنووسان کە پەیامنێرى ئێن ئاڕ تی تێیدا ئامادەبوو رایگەیاند، دانوستانەکانى نێوان یەکێتى و پارتى لە سێ ئاراستەدایە، یەکێکیان لەسەر شێوازى حکومڕانییە، کە ئەمەیان زۆر باش چووەتە پێش و کۆبوونەوەکان تەواو بوون.
ئاماژەی بەوەشکرد، بەمنزیکانە کۆبوونەوەکانى وەفدى دانوستانى یەکێتى
و پارتى دەستپێدەکەنەوە.
باسی لەوەشکرد، گفتوگۆکانیان
لەگەڵ پارتى بۆ پێکهێنانی حکومەت زۆر باش چووەتەپێش.
وتیشى، لە یەکێتى هەمووان لە
رابردوودا گلەییان لە شێوازى حکومڕانى هەرێم هەبووە، نەک پلە و پۆستەکان، بەڵکو
بەردەوام قسەمان لەسەر راستکردنەوەى رێڕەوى حکومڕانى کردووە.
