سەرۆکی پارتی رایگەیاند، پشتیوانیی پرۆسەی ئاشتی و چارەسەری لە توركیاین و هیوادارین لە کاتێکی نزیکدا، عەبدولڵا ئۆجەلان ئازاد بکرێت.
ئەمڕۆ هەینی ٢١ـی ئازاری ٢٠٢٥، مەسعود بارزانی، سەرۆکی پارتی رایگەیاند، نەورۆز بۆ گەلی كوردستان، بەهار و نوێبوونەوە و رۆشنایی و ئازادیە، پیرۆزبایی لە هەموو ئەو نەتەوانە دەكەم كە نەورۆز بەشێكە لە مێژوو و كولتوور و دابونەریتیان.
ئاماژەی بەوەشکرد، پیرۆزبایی نەورۆز لە رەوەندی كوردی و لەو ملیۆنان كوردە بكەم كە بە
هەستێكی بەرزەوە، دوور لە خاكی نیشتمانتان جەژنی نەورۆز بە بەرزی رادەگرن و
بەهاكانی نەورۆز بە هەموو جیهاندا بڵاو دەكەنەوە، پێیان دەڵێم كە ئێوە هەمیشە لە
هزر و ویژدانی ئێمەدان و خۆشی و جەژنەكانتان درێژكراوەی خۆشی و جەژنەكانی ئێمەیە.
باسی لەوەشکرد،
پشتیوانیی پرۆسەی ئاشتی و چارەسەری لە توركیاین و هیوادارین لە کاتێکی نزیکدا، عەبدولڵا
ئۆجەلان ئازاد بکرێت و ئاشتی، بە تاكە رێگەی راست و دروستی تێپەڕاندنی كێشەكان
دەزانین.