فەرماندەیی ناوەندیی هێزەکانی ئەمریکا بڵاوی کردەوە، رۆژی رابردوو لەلایەن گروپە چەکدارەکانی یەمەن مووشەکێکی بالیستی ئاڕاستەی کەشتیەکی ئەمریکا کرا و لە وەڵامیشدا هێزەکانی ئەمریکا کەشتییەک و فڕۆکەیەکی بێفڕۆکەوانی ئەو گروپەیان تێکشکاندووە.
ئەمڕۆ هەینی، فەرماندەیی ناوەندیی هێزەکانی ئەمریکا بڵاوی کردەوە، رۆژی رابردوو لەلایەن گروپە چەکدارەکانی یەمەن مووشەکێکی بالیستی ئاڕاستەی کەشتییەکی ئەمریکا کرا، بەڵام هیچ زیانێکی گیانی و ماددی لێ نەکەوتەوە.
ئاماژە بەوەش کراوە، هەر
لە رۆژی رابردوودا لەلایەن هێزەکانی ئەمریکاوە کەشتییەک و فڕۆکەیەکی بێفڕۆکەوانی
گروپە چەکدارەکان تێکشکێنراوە.
ئەوەشی خستە روو، فڕۆکەی
بێفڕۆکەوان و مووشەکی بالیستی دژەکەشتی بوونەتە مەترسی بۆ سەر کەشتییە بازرگانییەکان
لە دەریای سور و کەنداوی عەدەندا، بۆیە هەموو رێوشوێنێکی پێویست دەگرنەبەر بۆ
پاراستنی کەشتییەکان.
لای خۆشیەوە رۆژی
رابردوو، یەحیا سەریع وتەبێژی گروپی چەکداریی یەمەن رایگەیاند، چەکدارە دەریاییەکانیان
کەشتییەکی ئیسڕائیلییان بە ژمارەیەک مووشەک و فڕۆکەی بێفڕۆکەوان کردووەتە ئامانج.
رۆژی ١٩ـی ئەم مانگە، سەرۆکی
گروپەچەکدارەکانی حەماس لە یەمەن رایگەیاند، لە سەرەتای دروستبوونی گرژی و ئاڵۆزییەکان
لە غەززە نزیکی ١٠٠ کەشتی بازرگانی و سەربازی کە پەیوەستبوون بە ئیسرائیلەوە کردووەتە
ئامانج. وتیشی، "هەڕەشەو فشارە سەربازییەکانمان بۆ ئەوەیە بەهۆی هێڵی بازرگانییەوە
گرژی و ئاڵۆزییەکانی غەززە رابگیرێت".