وەزارەتی تەندروستی سعودیە رایگەیاند، ئەو حاجیانەی نەخۆشی درێژخایەنیان هەیە پێویستە لەلایەن وڵاتەکانیانەوە بارودۆخی تەندروستییان لەبەرچاو بگیرێت پاشان رەوانەی سعودیە بکرێن و لەکاتی حەجیشدا دەبێت دەرمانی پێویستیان پێبێت، هاوکات چەند رێنماییەکی لەبارەی ئەو کەسانەوە بڵاوکردەوە کە ناتوانن بەشداری حەجی ئەمساڵ بکەن.
ئەمڕۆ یەکشەممە، وەزارەتی حەج و عومرەی سعودیە رایگەیاند، سەرجەم مەرج و رێنماییەکانی وەرزی حەجی ئەمساڵیان دیاری کردووە و مەرجەکان بریتین لە کوتان دژی نەخۆشی و چەند پێشنیارێک بۆ ئەو حاجیانەی دێنە ناو سعودیەوە.
ئاماژەی بەوەش کرد، کوتان بۆ ئەو کەسانەی
لە ناوخۆیی سعودیەوە دەیانەوێت حەج ئەنجام بدەن لەرێگەی ئەپڵکەیشنێکەوە پێشوەختە
زانیاری تۆمار دەکرێت و هەروەها ئەو حاجیانەی لە دەرەوەی سعودیەوە دێن بۆ ئەنجامدانی
حەج دەبێت ڤاکسینی تا و سەرئێشە وەربگرن کە جۆری ڤاکسینەکە لە ١٠ رۆژ کەمتر و پێنج
ساڵ زیاتر نەبێت.
لای خۆشیەوە، وەزارەتی تەندروستی سعودیە
رایگەیاند، پێویستە ئەو وڵاتانەی حاجییان لێوە دەچێتە سعودیە دۆخی ئەو کەسانە لەبەرچاوبگرن
کە نەخۆشی درێژخایەنیان هەیە و توانای ئەنجامدانی حەجیان نیە بەتایبەت ئەو کەسانەی
گورچیلەیان لەکار کەوتووە یان دڵیان لاوازە یاخود نەخۆشی درێژخایەنی سییەکان و جگەریان
هەیە یان ئەو کەسانی تەمەنیان زۆرە و تووشی نەخۆشی لەبیرچوونەوە بوونە.
باسی لەوەش کرد، تەواوی ئەو کەسانەی نەخۆشی
درێژخایەنیان هەیە دەبێت دڵنیابن لەسەر تەندروستی خۆیان و هەروەها پێویستە بەردەوام
دەرمانیان پێبێت.