PM:12:39:21/04/2024
35668 جار خوێندراوەتەوە
لە ئێستادا لە بازاڕی دراوەکانی هەرێم ١٠٠ دۆلار بە ١٤٧ هەزار و ٥٠٠ دینار مامەڵەی پێوە دەکرێت، بەراورد بە کاتی کردنەوەی بازاڕ لە دوێنێدا ٢٥٠ دینار دابەزیوە.
دوای سەردانەکەی سودانی بۆ ئەمریکا بەهای دۆلار بەردەوام روو لە دابەزینە و ئەمڕۆ ١٠٠ دۆلار بە ١٤٧ هەزار و ٥٠٠ دینار مامەڵەی پێوەدەکرێت، ئەوەش بەراورد بە کاتی کردنەوەی بازاڕی دراوەکان لە دوێنێ کە ١٠٠ دۆلار بەرامبەر بوو بە ١٤٦ هەزار و ٧٥٠ دینار، بەهاکەی ٢٥٠ دینار دابەزیوە.
لای خۆیەوە راوێژکارێکی سودانی بە ئێن ئاڕ تی راگەیاند،
سەردانەکەی سودانی بۆ ئەمریکا هۆکارێکی سەرەکی دابەزینی بەهای دۆلارە و چاوەڕێش دەکرێت
بەهاکەی زیاتر دابەزێت.
پارێزگاری بانکی ناوەندیش رایگەیاند، ئەمریکا رازى بووە
لەوەى عێراق توانیویەتى ٨٠٪ـی حەواڵەکە بکات بە ئەلکترۆنى، وتیشی لەگەڵ وەزارەتی گەنجینەی
ئەمریکا و بانکی فیدڕاڵی ئەو وڵاتە لیژنەیەکیان پێکهێناوە بۆ وردبینی لە سزای بانکە
عێراقییەکان و چاوەڕی دەکرێت بڕیار لەسەر هەڵگرتنی سزاکانیان بدرێت، بەوەش مامەڵەکردن
بە دۆلارەوە زیاتر دەبێت و بەوەش بەهاکەی زیاتر دادەبەزێت.