سەرۆکی بانکی جەی پی مۆرگان رایگەیاند، بەردەوام دەبن لە پاڵپشتی عێراق بۆ گەشەپێدانی بانکە حکومی و تایبەتەکان و هەروەها ئامادەن بۆ پێشکەشکردنی شارەزایی و راهێنانی بانکی بە عێراق.
ئەمڕۆ چوارشەممە، محەمەد شیاع سودانی سەرۆک وەزیرانی عێراق لەگەڵ ماشا کلۆڤوسکی سەرۆکی بانکی جەی پی مۆرگان کۆبووەوە و لە کۆبوونەوەکەدا باس لە چاکسازییە دارایی و بانکییەکانی عێراق کرا و لەگەڵ تاوتوێ کردنی رێکارەکانی حکومەتی عێراق بۆ پەرەپێدانی کەرتی بانکی.
لە کۆبوونەوەکەدا
سودانی ئاماژەی بەوە کرد، بەبێ دانوستان لەگەڵ گەنجینەی ئەمریکا و یەدەگی فیدراڵی
ئەمریکا و سندوقی دراوی نێودەوڵەتی و دامەزراوە داراییە نێودەوڵەتییەکان، ناتوانرێت
لە هیچ کەرتێکی گەشەپێداندا کار بکرێت.
لای خۆشیەوە، سەرۆکی
بانکی جەی پی مۆرگان رایگەیاند، بەردەوام دەبن لە پاڵپشتی عێراق بۆ گەشەپێدانی بانکە
حکومی و تایبەتەکان و هەروەها ئامادەن بۆ پێشکەشکردنی شارەزایی و راهێنانی بانکی بە
عێراق.
ئەمەش لەکاتێکدایە، رۆژی
رابردوو ئەندامێکی شاندەکەی سەرۆک وەزیرانی عێراق لە ئەمریکا رایگەیاند، سەردانەکەی
سودانی بۆ واشنتۆن دەستکەوتی زۆری بەدەستهێناوە بەتایبەتی لە بواری داراییدا و رێکارەکان
بەرەو کۆنترۆڵی تەواوی نرخی دۆلار دەڕۆن و رەنگە لە چەند رۆژی داهاتوودا بە شێوەیەکی
خێرا و بەرچاو نرخی دۆلار روو لە دابەزین بکات.