کەشناسیی دهۆک رایگەیاند، سبەی سێشەممە بارانبارین لە سنووری دهۆک و زاخۆ دەست پێدەکات و پلەکانی گەرما بەشێوەیەکی بەرچاو دادەبەزن و هەروەها لە ناوچە سنوورییەکان ئەگەری بەفربارین هەیە.
ئەمڕۆ دووشەممە، بەڕێوەبەرایەتی کەشناسیی دهۆک رایگەیاند، سبەی سێشەممە ئاسمان نیمچەهەور و هەندێک کات هاوری تەواو دەبێت و بارانبارین لە سنووری دهۆک و زاخۆ و ناوچە جیاجیاکان دەست پێدەکات.
ئاماژەی بەوەش کرد، بارانبارین بەشێوەی مامناوەند دەبێت و پلەکانی گەرما بەشێوەیەکی بەرچاو دادەبەزن.
ئەوەشی خستە روو، لە ناوچە سنوورییەکان ئەگەری بارینی بەفر هەیە و
بارانبارین لە درەنگانی شەوی سێشەممە کەمتر دەبێت و سەرلەبەیانی رۆژی چوارشەممە کۆتایی
دێت.
هاوکات، کەشناسی هەرێم رایگەیاند، سبەی سێشەممە ئاسمان هەوری تەواو دەبێت،
نمەباران سەرەتا لە ناوچەکانی بادینان دەست پێدەکات پاشان زۆربەی ناوچەکانی پارێزگاکانی
هەولێر و سلێمانی دەگرێتەوە، بەفرێکی کەمیش لە ناوچە شاخاوییە سنوورییەکانی باکوور
و رۆژهەڵات دەبارێت و پاشان کەشوهەوا لەکاتەکانی شەودا سەقامگیر دەبێتەوە.