سەرۆکایەتی ئەرکانی سوپای ئۆکرانیا رایگەیاند، لە ٢٢ مانگی جەنگدا نزیکەی ٣٥٠ هەزار سەربازی روسییان کوشتووە و نزیکە شەش هەزار تانکیشیان تێکشکاندووە.
ئەمڕۆ یەکشەممە، سەرۆکایەتی ئەرکانی سوپای ئۆکرانیا لە راگەیەندراوێکدا بڵاویکردەوە، لە ماوەی ٢٢ مانگی رابردوودا توانیویانە ٣٤٧ هەزار و ٧٠ سەربازی روسی بکوژن.
ئەوەشی خستووەتە روو، پێنج هەزار
٧٣٩ تانک، ١٠ هەزار و ٦٩٢ زرێپۆش، ١٠هەزار
و ٧٦٦ تانکی سوتەمەنی، هەشت هەزار و ١٣٧ تۆپ هاوێژ، ٩٢٣ سیستمی موشەک هاوێژ، ٦٠٩ سیستمی
بەرگری ئاسمانی، ٣٢٤ فڕۆکەی جەنگی، ٣٢٤هێلیکۆپتەر، شەش هەزار و ٢٧٨ فڕۆکەی بێ فڕۆکەوان
و ٢٢ کەشتی و بەلەم و ژێردەریایی روسیا تێکبشکێنن.
لە ٢٤ـی شوباتی ٢٠٢٢ جەنگی روسیا و ئۆکرانیا دەستی پێکرد و تاکو ئێستاش بەردەوامی
هەیە و بە سەدان هەزار سەرباز لە هەردوولا کوژراون و زیاتر لە شەش ملیۆن ئۆکرانیش
ئاوارە بوون و لەسەرەتای جەنگەکەشەوە وڵاتانی رۆژئاوا و ئەمریکا پاڵپشتی خۆیان بۆ
ئۆکرانیا دووپاتکردەوە و تاوەکو ئێستاش هاوکارییەکانیان بۆ ئۆکرانیا بەردەوامە.