AM:09:01:15/11/2025
80 جار خوێندراوەتەوە
+
-
لە جامی نیتۆ زڤیرێڤ بە ئەلیاسیم دۆڕا و
ماڵئاوایی کرد، سینەریش لە بین شیلتۆنی بردەوە.
لە کۆمەڵەی دووەمی جامی نیتۆ، ئەلیکساندەر
زڤیرێڤی ئەڵمانی بەرامبەر ئۆگێر ئەلیاسیمی کەنەدی یارییکرد.
پێش ئەم یارییە هەردوو یاریزانەکە خاوەنی
یەک خاڵ بوون و لەپێناو بردنەوە و گەیشتن بە قۆناغی پێش کۆتایی یارییان دەکرد.
سەرەنجام یارییەکە دوای یەک کاتژمێر و 53
خولەک بە ئەنجامی دوو کۆمەڵەی بێبەرامبەر لە سوودی ئەلیاسیم کۆتاییهات، خاڵی
کۆمەڵەکانیش، شەش بە چوار گێم و حەوت بە شەش گێم بوون.
لە هەمان کۆمەڵە، یانیک سینەری ئیتاڵی
رووبەڕووی بین شیلتۆنی ئەمریکی بووەوە و بە ئاسانی و بە ئەنجامی دوو کۆمەڵەی
بێبەرامبەر بردنەوەی بەسەردا بەدەستهێنا.
دوای ئەو ئەنجامانە، ئەلیاسیم سەرکەوتنی
بۆ قۆناغی پێش کۆتایی پاڵەوانێتییەکە مسۆگەر کرد و لەو قۆناغەدا رووبەڕووی کارلۆس
ئەلکاراز دەبێتەوە، سینەریش لە هەمان قۆناغ بەرامبەر دی مینۆر یارییدەکات،
زڤیرێڤیش ماڵئاواییکرد.
خ . ک