PM:07:12:31/03/2025
380 جار خوێندراوەتەوە
+
-
محەمەد سەڵاح تا ئەم ساتە براوەی پێڵاوی زێڕینە و لیڤاندۆڤسکیش لە پلەی دووەمدایە.
ساڵانە خەڵاتی پێڵاوی زێڕین دەدرێت بەو یاریزانەی کە بتوانێت زۆرترین خاڵ کۆبکاتەوە کە ئەوەش پەیوەستە بە تۆمارکردنی زۆرترین رێژەی گۆڵ لە خولە ناوخۆییەکان بە شێوەیەک لە پێنج خولە گەورەکەی ئەوروپا بۆ هەر گۆڵێک دوو خاڵ بە یاریزانەکە دەدرێت و لە خولەکانی تر خاڵ و نیوێکیان پێدەدرێت.
دوای تەواوبوونی جەولەیەکی نوێی خولە ناوخۆییەکانی ئەوروپا، تا ئێستا محەمەد سەڵاحی میسڕی و هێرشبەری یانەی لیڤەرپوڵ براوەی خەڵاتی پێڵاوی ئاڵتونی ئەم وەرزەیە بەهۆی ئەوەی خاوەنی 54 خاڵە بە تۆمارکردنی 27 گۆڵ.
رۆبێرت لیڤاندۆڤسکی هێرشبەری بەرشەلۆنە لەم وەرزەی خولی ئیسپانیا 25 گۆڵی تۆمارکردووە و خاوەنی 50 خاڵە و لە پلەی دووەمی بردنەوەی خەڵاتەکەدایە، گیۆکیرێسی سویدیش 45 خاڵی هەیە بە تۆمارکردنی 30 گۆڵ لە خولی پورتوگال.
هەریەکە لە هاری کەین و ریتیگی و کیلیان مباپێ بە تۆمارکردنی 22 گۆڵ خاوەنی 44 خاڵن و لە پلەی چوارەمی بردنەوەی خەڵاتەکەدان، عوسمان دیمبلی و ئێرلینگ هالاندیش خاوەنی 42 خاڵن دوای لەم وەرزەدا هەریەکەیان 21 گۆڵی تۆمارکردووە.
خ . ک