PM:05:28:02/04/2025
344 جار خوێندراوەتەوە
+
-
ئەنچیلۆتی رەتیکردەوە نیازی فێڵکردنی هەبووبێت و بێ
ئاگایشی لەو تۆمەتانە دەربڕی دراوەتە پاڵی.
کارلۆ ئەنچیلۆتی ڕاهێنەری یانەی ڕیال مەدرید لە دادگادا
بە تۆمەتی خۆدزینەوە لە باج بە بڕی یەک ملیۆن یۆرۆ لە ساڵانی 2014 و 2015 ئیفادەی
دا و ڕایگەیاند هەرگیز بیری لە ئەنجامدانی ساختەکاری نەکردۆتەوە، باسی لەوەشکرد کە
ریاڵ مەدرید شێوازێکی پێشکەش کردووە بۆ ئەوەی پارەی مافی وێنەکانی بدات کە بەلایەوە
دادپەروەرانە دەرکەوتووە.
بەهۆی ئەم تۆمەتەوە راهێنەر ئیتاڵییەکە ڕووبەڕووی مەترسی
زیندانیکردن بۆ ماوەی چوار ساڵ و نۆ مانگ دەبێتەوە، لە وەڵامی پرسیاری داواکاری
گشتی سەبارەت بەو کۆمپانیایانە کە گوایە بۆ خۆدزینەوە لە باج دروستکراون، کارلۆ
جەختی لەسەر ئەوەکردەوە، هەمیشە دانوستان لەسەر گرێبەستەکان دەکات لەسەر بنەمای بڕە
پارەیەکی پاک و لێرەدا ئامانجی شەش ملیۆن یۆرۆ بووە لە وەرزێکدا، وتیشی: مافی وێنە
بۆ من گرنگ نەبووە، ڕاهێنەرەکان هێندەی ئەو یاریزانانە گرنگ نین کە درێس دەفرۆشن، تەنها
ویستم شەش ملیۆن یۆرۆ بەدەست بهێنم.
ئاماژەی بەوەشکرد، هیچ کاتێک بیری لە فێڵکردن
نەکردوەتەوە و هیچ بابەتێکی لەو شێوەیەشی بۆ نەهاتووەتە پێش، کاتێکیش ریاڵ مەدرید
پێشنیاری ئەوە شێوازەی بۆ پێدانی مافی وێنە کردووە پێیوابووە لە بری موچە
نەدراوەکانێتی و پێی رازی بووە و قسەشی لەگەڵ راوێژکاری دارای خۆی کردووە.