AM:12:32:03/04/2025
508 جار خوێندراوەتەوە
+
-
لە جامی شای ئیسپا بەرشەلۆنە بە گۆڵێکی تۆرێس شکستی بە ئەتلەتیکۆ مەدرید هێنا و گەیشتە یاریی کۆتایی.
لە یاریی گەڕانەوەی قۆناغی پێش کۆتایی جامی شای ئیسپانیا، بەرشەلۆنە لە دەرەوەی یاریگای خۆی رووبەرووی ئەتلەتیکۆ مەدرید بووەوە، یاریی رابردووش هەردوولا بە چوار گۆڵ یەکسانبوون.
تایمی یەکەم، بلاوگرانا وەک ئەوەی لە یاریگای خۆیدابێت بە فشارکردن دەستیپێکرد و تۆرێس لە خولەکی 27 بە ئەسیستێکی نایابی یامال گۆڵی یەکەمی تۆمارکرد، نیوەی یەکەمیش بەو تاکە گۆڵە کۆتایی هات.
لە تایمی دووەمدا، رۆخیبلانکۆس لە هەوڵی یەکسانکردنەوەی ئەنجامەکە بوو، سۆرلۆس لە سێ چارەکی یارییەکە گۆڵێکی تۆمارکرد بەڵام بەهۆی ئۆفسایدەوە رەتکرایەوە، تا کۆتاییش یارییەکە بە تاکە گۆڵەکەی فیران مایەوە.
سەرەنجام بەرشەلۆنە بە گۆڵێکی بێبەرامبەر یارییەکەی بردەوە و بە ئەنجامی هەردوو یاریی پێنج بە چوار بەسەر پشتی ئەتلەتیکۆ خۆی گەیاندە یاریی کۆتایی.
لە یاریی کۆتاییدا بەرشەلۆنە رووبەرووی ریاڵ مەدرید دەبێتەوە، بڕیارە یارییەکە لە 26ی ئەم مانگە لە یاریگای لا کارتۆخا ئەنجام بدرێت.
بیلال کاکە