AM:12:17:03/04/2025
148 جار خوێندراوەتەوە
+
-
لە خولی ئینگلتەرا دێربی مێرسیساید بە گۆڵێکی جۆتا لە بەرژەوەندی لیڤەرپوول کۆتایی هات و ئەستۆن ڤێلا و نیوکاسڵیش بردنەوەیان بەدەستهێنا.
لە یارییەکی هەفتەی 30ی خولی ئینگلتەرا لیڤەرپوول لە دێربی مێرسیساید میوانداری ئیڤەرتۆنی کرد.
تایمی یەکەم، یارییەکی بەهێز و ئاگرین بیندرا، بەڵام هەردوولا سەرکەوتوو نەبوون لە تۆمارکردنی گۆڵدا.
لە تایمی دووەمدا، جۆتا بە ئەسیستی لویس دیاز لە خولەکی 57 گۆڵی پێشکەوتنی تۆمارکرد، هەرچەندە چەندین گۆڕانکاری کرا بەڵام تا کۆتایی یارییەکە بەو شێوەیە مایەوە.
سەرەنجام رێدز سێ خاڵی یارییەکەی بەو تاکە گۆڵە بەدەستهێنا و بە کۆکردنەوەی 73 خاڵ بێ رکابەر پێشەنگیی گرتووە.
لە دوو یاریی دیکەشدا، ئەستۆن ڤێلا و نیوکساڵ شکستیان بە برایتۆن و برێنتفۆرد هێنا، بۆرنمۆسیش بە ئیپسویچ تاون دۆڕا.