AM:10:47:10/12/2025
252 جار خوێندراوەتەوە
+
-
فلیک دوپاتیکردەوە سێ خاڵی قورسیان وەرگرتووە
و گۆڕانکاری پێکردنی یاماڵیش بە دوو هۆکار بووە.
پاش بردنەوەیان لە فرانکفۆرت، هانسی فلیکی
راهێنەری بەرشەلۆنە رایگەیاند، لامین یامال دڵخۆش نەبووە بە گۆڕانکاری
پێکردنی بەڵام کارتێکی زەردی هەبووە و ئەوانیش
پێویستیان بە هێزێکی تازە هەبوو، لەبەر ئەوەش گۆڕانکاری پێکردووە.
وتیشی: دڵخۆشم بە بردنەوەکەمان، سێ خاڵی
گرنگمان بەدەستهێنا و گەڕاینەوە سەر رێچکە درووستەکە، یارییەکی قورس بوو بۆمان
چونکە ئەوان بەرگرییەکی چڕیان دەکرد، بەڵام تیپەکەم توانی هەلی گۆڵکردن درووست
بکات و لە کۆتایدا بردمانەوە کە کارێکی ئاسان نەبوو.
باسی لەوەشکرد، ئەو گرنگی بە ریزبەندی
چامپیۆنز لیگ نادات، سەرنجی ئەوان لەسەر خۆیانە و هەموو یارییەک بە جیاواز دەبینن
و بە شێوەیەکی جیاواز لێی دەڕوانن.
دوپاتیشیکردەوە، بردنەوەی یارییەکە بۆ ئەوان
زۆر گرنگە بووە، لە ئێستاشدا دەبێت دوو یاری داهاتوویان خاڵی پێویست کۆبکەنەوە و بگەن
بە ئامانجەکانیان.