AM:09:37:02/04/2025
112 جار خوێندراوەتەوە
+
-
ئارتێتا رایگەیاند شایستەی بردنەوە بوون و
دڵخۆشە بە گەڕانەوەی ساکا بۆ گۆڵ تۆمارکردن.
میکێل ئارتێتای راهێنەری ئارسناڵ دوای
بردنەوەیان لە فولهام رایگەیاند، شایستەی بردنەوە بوون و بە تەواوی یاریگایان
کۆنترۆڵ کردووە بەڵام تۆمارکردنی گۆڵێک لێیان دڵتەنگی کردوون.
ئارتێتا دەڵێت، کاتێک لە کۆتا خولەکەکاندا
گۆڵت لێدەکرێت پێویستە خۆراگر بیت و ئاگاداری ئەوە بیت کە تیپی بەرامبەر بێهیوا
نابێت لەبەرئەوە دەبێت بە باشترین شێوە لەناوچەی سزا بەرگری بکەیت.
دەشڵێت،دڵخۆشم بە گەڕانەوەی ساکا بۆ یاریکردن و تۆمارکردنی گۆڵ، دەرفەتێکی زۆر باش
بوو تا بزانێت هاندەران خۆشیان دەوێت و بیری دەکەن، بە جوانترین شێوە پێشوازیان
لێکرد و شایستەی ئەوە بوو بەو شێوەیە رێزی بگیرێت.
ئاماژەی بەوەشدا، سەرجەم یاریزانەکان ئاستێکی
باشیان پیشکەش کرد و مارتینێلیش بە ئاستێکی نایابەوە دەرکەوت بەڵام ئەوەی نیگەرانی
کردوون پێکانەکەی گابرێل ماگالێسە.
خ . ک